Prome Minister Evelyn Wever-Croes: PABIEN NA TUR MEDIO DI COMUNICACION RIBA DIA DI PRENSA

 

Prome Minister Evelyn Wever-Croes:

 

PABIEN NA TUR MEDIO DI COMUNICACION RIBA DIA DI PRENSA

Diamars 1 di september ta dia di prensa. Un dia di reflexion pasobra prensa ta hunga un papel hopi importante den democracia di nos pais siendo sin duda un di e podernan/pilarnanan cu tambe ta enfrenta retonan diario den nan trabou specialmente den e temponan dificil aki cu Aruba ta den. Covid a afecta nos tur y indudablemente tambe a afecta prensa. Sinembargo nan ta sigui haci nan trabou tur dia pa trece informacion pa nos pueblo. Nos ta den un tempo na unda ‘fake news’ ta lanta cabes y ta afecta tur hende specialmente prensa. Prome Minister Evelyn Wever-Croes den nomber di Gobierno di Aruba ta felicita tur medio di prensa na Aruba riba nan dia. 

“Libertad di expresion ta un derecho fundamental. Ban protehe e libertad di expresion aki y aplica e derecho aki na un forma responsabel. Pabien na tur Prensa di Aruba y danki pa na un manera obhetivo comunica tur loke ta importante y berdadero pa comunidad haña sa”, Prome Minister a expresa.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: