OW ta sigui renobá diferente lus di tráfiko

 

OW ta sigui renobá diferente lus di tráfiko

Geplaatst op 02 September 2020 dor di Ministerio Tráfiko, Transporte i Planifikashon Urbano

Willemstad – Servisio pa Obra Públiko (OW) ta informá ku entrante djabièrnè 4 di sèptèmber 2020 lo sigui ku trabounan di renobashon na diferente lusnan di tráfiko.

E lusnan di tráfiko kaminda trabounan di renobashon ta bai tuma lugá próksimamente ta na:

• krusada Helmin M. Wiels Boulevard / Kaya Amado Römer
• krusada Schottegatweg West / St. Domingoweg
• krusada Biesheuvel

E trabounan ta enserá kambia e kashi ku ta regla e lusnan di tráfiko i sigui ku e trabounan pa kambia e ‘halogeenlamp armatuur’ ku tin aktualmente pa ‘LED armatuur’. E orario ku e lusnan lo por ta for di servisio ta di 9’or pa 11:30’or di mainta, i di 2’or pa 4:30’or di atardi. Esaki te na momento ku e trabounan finalisá.

OW ta hasi un apelashon na tur outomobilista pa na momento ku nan ta aserká un di e krusadanan ariba menshoná, pa bai ku koutela i apliká reglanan di tráfiko