Calmes:”Ami ke sa kiko ta kuadra ku bèrdat den CurOil. Nada mas!”

Calmes:”Ami ke sa kiko ta kuadra ku bèrdat den CurOil. Nada mas!”

Willemstad- Último tempunan e funshonamentu di CurOil NV ta hopi den diskushon. Maneho di Gobièrnu  pa ku CurOil i tambe e funshonamentu di CurOil tin impakto direkto riba interes i bienestar di nos pueblo. Pa parlamentario Calmes tin desaroyonan ku ta tumando lugá di kual representantenan di pueblo no ta na altura di dje òf ta pafó di nan konosementu. Esaki ta fuente di preokupashon pa Sr. Calmes.

P’esei Sr. Calmes a aserka su koleganan di MFK pa huntu firma un petishon pa  un reunion urgente riba CurOil. Diariamente nos ta tende kon pueblo ta sklama i mustra nan frustrashon riba e kalidat di gasolin i diesel. Reklamo manera gasolin ta hole malu, outonan ta daña, diesel ta seka nos ta tende frekuentemente. Komo representante di pueblo nos ta eksihí e bèrdat. 

Bahada di preis di petroli/gas for di yanüari 2020 no a resultá den bahada di gasolin/gas pe konsumidó. Alkontrario e subida konsekutivamente di preis di gasolin/gas pueblo ta eksperensha komo un atrako riba su saku. Sr. Calmes ta kansa di tende historianan ku a kumpra i bende barku, ta trahando tanki pa almasena kombustibel òf ta otro instansia su falta. Subida drástiko den preis ta kibrando forsa di kompra di pueblo a konsekuensha ku preis di tur otro produktonan tambe a subi perhudikando pueblo. Desafortunadamente kompra di gas chikí (20 Lbs) tambe a bira un kaminda di kalvario pe hòmber humilde ku no tin otro alternativa den e situashon malu ekonómiko aki.

E parti finansiero di CurOil tambe ta pidi klaridat. Aparentemente CurOil a purba hasi un fiansa via di CFT ku a wòrdu rechasá. Esaki a sosodé pafó di konosementu di Parlamento. CurOil a sera 2018 ku un pèrdida di 28 mion. Pa Calmes:”Solamente transparensia por kita preokupashon i e disgustu pisa ku ta reina den pueblo”.

This site uses Akismet to reduce spam. Learn how your comment data is processed.

error: Content is protected !!
%d bloggers like this: