Konsulta ku kompanianan grandi relashoná ku “Nos Medio Ambiente 2050”   / Consultatie grootbedrijven in het kader van “Nos Medio Ambiente 2050”  

 

Konsulta ku kompanianan grandi relashoná ku “Nos Medio Ambiente 2050”  

Willemstad – Riba 3 di sèptèmber último a tuma lugá e di tres konsulta tokante desaroyo di un lei básiko nobo relashoná medio- ambiente. E proseso di konsulta aki, “Nos Medio Ambiente 2050”, a keda inisiá pa Ministerio di Salú, Medio Ambiente i Naturalesa. E lei básiko di medio- ambiente (kaderwet Milieu) ta e lei mama na kua por anadí i amplia mas lei i regla di medio- ambiente.

E invitadonan pa e konsulta di djaweps último tabata kompanianan grandi. Kompanianan manera RdK, Aqualectra, Selikor i CAP, CurOil i Coca Cola tabata algun di esnan presente ku aktivamente a duna “input” na e lei básiko di medio ambiente aki. E lei ta bira un Reglamentu Nashonal ku lo pone un fundeshi fuerta pa sigui desaroya leinan riba tereno di medio- ambiente. E lei básiko aki no ta regla detayenan spesífiko i normanan pa e komponentenan prinsipal di medio ambiente. Detayenan spesífiko i normanan ta keda tratá den legislashonnan mas abou, por ehèmpel desishonnan nashonal ku normanan spesífiko pa kalidat di airu, awanan residual, marina i zonido.  

Riba 13 di ougùstùs a tuma lugá e promé seshon di konsulta ku Young Generation (18- 30 aña) i riba 27 di ougùstùs tabatin e enkuentro konsultatorio ku gobièrnu i supervishon. Lokual ta remarkabel na e trayekto di konsulta aki ta e meskla di profeshonalnan yòn eksterno i empleadonan públiko di diferente ministerio ku ta traha huntu pa hasi e proyekto aki un éksito. Minister di GMN señora Zita Jesus-Leito a hasi apertura di e promé enkuentro konsultativo dia 13 di ougùstùs i minister tabata presente tambe dia 3 di sèptèmber na inisio di e di tres enkuentro konsultativo. Minister a suprayá e importansha di koperashon entre gobièrnu i sektor empresarial. Aki no ta trata di bèrdè òf sèn, e kos ta bèrdè i sèn, pues produsi entrada pero teniendo kuenta ku medio- ambiente. Nos mester di tur dos pa adelanto i desaroyo di Kòrsou.

E promé seshonnan di konsulta a tuma lugá den edifisio di Departamentu di Asuntunan Hurídiko na Fort Amsterdam. Un eskoho konsiente pasobra e departamentu aki tin un ròl krusial den formulashon di e lei ambiental nobo. Na òktober di e aña aki lo tene konsulta ku diferente otro grupo di enfoke. Resultado di esaki lo keda anadí na formashon di e lei ambiental nobo aki, un lei básiko nobo pa Kòrsou.

Riba potrèt: diskurso di Minister Jesus- Leito durante e seshon di konsulta di dia 3 di sèptèmber.

 


 

Consultatie grootbedrijven in het kader van “Nos Medio Ambiente 2050”  

Willemstad – Op 3 september heeft de derde consultatie sessie plaats gevonden voor de ontwikkeling van een nieuwe kaderwet milieu. Dit consultatieproces, Nos Medio Ambiente 2050, is geïnitieerd vanuit het Ministerie van Gezondheid, Milieu & Natuur (GMN). De kaderwet milieu is de kapstok waaraan verdere wetten en richtlijnen kunnen worden opgehangen. 

De genodigden voor de consultatie van afgelopen donderdag waren grootbedrijven. Organisaties als RdK, Aqualectra, Selikor en ook CAP, CurOil en Coca Cola waren enkele van de aanwezigen die actief input leverden voor deze kaderwet milieu. De kaderwet wordt een Landsverordening die een stevig fundament legt voor de verdere ontwikkeling van wetgeving op het vlak van Milieu. In de kaderwet worden geen specifieke details en normen geregeld op de kernonderdelen van Milieu; de specifieke details en normen komen aan bod in ‘lagere’ wetgeving, bijvoorbeeld Landsbesluiten met specifieke normen en richtlijnen voor luchtkwaliteit, afvalstoffen, afvalwater, marien en geluid.

Op 13 augustus vond de eerste consultatie sessie plaats met de Young Generation (18-30 jaar) en op 27 augustus was de consultatie bijeenkomst met Overheid en Toezicht. Wat bijzonder is aan dit consultatie-traject is de mix van externe young professionals en ambtenaren vanuit verschillende ministeries die samenwerken om dit tot een succes te maken. Zita Jesus-Leito, minister van GMN, opende de eerste consulatie bijeenkomst op 13 augustus en was ook 3 september aanwezig bij de start van de derde consultatie bijeenkomst. De minister onderstreepte het belang van samenwerking tussen overheid en bedrijfsleven. “Het is geen Groen òf Geld; het is Groen èn Geld..we hebben beide nodig om als Curaçao vooruit te komen.”

De eerste consultatie sessies vinden plaats in het gebouw van Wetgeving & Juridische Zaken (WJZ) te Fort Amsterdam. Een bewuste keuze, WJZ speelt een cruciale rol in de opstelling van de nieuwe milieu wet. Tot begin oktober van dit jaar zullen consultaties met verschillende doelgroepen plaatsvinden. De output hiervan wordt meegenomen bij de samenstelling van de nieuwe milieuwet, een nieuwe kaderwet voor Curaçao. 

Foto: Toespraak Minister Jesus-Leito tijdens de consultatie sessie op 3 september.

This site uses Akismet to reduce spam. Learn how your comment data is processed.

error: Content is protected !!
%d bloggers like this: