Aruba ta rindi honor na su grandinan Luna di October ta luna di Hende grandi yen di splendor

Aruba ta rindi honor na su grandinan

Luna di October ta luna di Hende grandi yen di splendor

 

Mundo ta birando grandi.  Pa aña 2050 🡪22 % di mundo lo ta ariba 60 aña.

Lo tin mas 60 plus cu mucha! Prome biaha den historia humano!

 

Hende grandi ta trece recuerdonan bunita y inolvidable den bida di otro. Un mucha ta afortuna ora e lanta cu cariño y sabiduria di un hende grandi rond di dje. Sea famia of amistad. Hende grandi ta comparti sabiduria, experiencia y storianan bunita. Nan ta manera un guia ya cu nan ta inspira pa sigui lucha y adverti pa peligernan.

 

Na Aruba hendenan grandi a/ta cumpli cu nan responsabilidadnan na bienestar di Aruba. Nan por y ta traspasa nan conocemento, nos historia, norma-, balor-, tradicion- y custumbernan. Sea den seno familiar y of den gruponan. Desaroyonan rapido den nos comunidad ta exigi sosten urgente y continuo na nan trabou di traspaso p.e. documenta y pasa informacion ariba radio/tv/medionan social.

 

En conexion cu dia internacional di hende grandi dia 1 oktober,Grupo Nucleo Fundacion Movemento ta bida ta proclama e luna di october 2020 como luna di hende grandi. Lo tin diferente actividad na unda lo mustra e balor y forza cu nos hende grandi tin den e temponan aki.

 

Aruba Pabien!

Un cariño, un atencion chikito of un gradicimiento sincero ta haci un otro hende semper felis!

Ban cuida nos mes pa por cuida nan

This site uses Akismet to reduce spam. Learn how your comment data is processed.

error: Content is protected !!
%d bloggers like this: