Kaso di atrako ku detenshon.

 

KOMUNIKADO DI PRENSA 385 / 2020
30 sèptèmber 2020
Kaso di atrako ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 29 di sèptèmber 2020 alrededor di 21.01 or, Sentral di Polis a dirigí un
unidat pa Caracasbaaiweg, pa asistí un kolega en konekshon ku un kaso di atrako.
Na yegada di e unidat, el a bin topa un miembro di Kuerpo Polisial na sivil ku un
sospechoso heridá.
E kolega a deklará ku el a tuma nota kon un hòmber a drenta den un negoshi riba
Caracasbaaiweg. Bou di menasa ku arma di kandela i machete e sospechoso a kue e
kaha di sèn i kore bai kuné. Mesora e doño di e establesimentu i un trahadó a sali bai
su tras. Durante di un forsageo e sospechoso a maltrata tur dos ku e machete.
Na e momento ei el a saka su arma reglamentario i a lòs un tiru di atvertensia,
obligando e sospechoso pa tira su arma di kandela i e machete abou. Loke ku e
sospechoso a hasi tambe. Na un dado momento e sospechoso a trata na kue e arma
di kandela aki bèk, aki e miembro di Kuerpo Polisial a hasi uso di su arma
reglamentario i a lòs un tiru dirigí riba e sospechoso ku a alkansé na e parti drechi di
su rudia.
E sospechoso e hòmber Ch.M.C. nasé na Kòrsou di 26 aña di edat, a keda detené i
ambulans a transport’é pa C.MC. pa tratamentu médiko.
Su situashon ta stabil.
Na e sitio polis a konfiská e arma di kandela i e machete pa mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: