KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

JetAir Caribbean

Despues ku Minister President sr. Gilmar Pisas a sinta ku e dos curatornan ku ta trata e kaso di faillissement di JetAir Caribbean sali na kla ku for di dia 13 di yüni 2024 sr. Antonio Ribeiro a hasi entrega di petishon pa deklará e kompania failliet.
Sinembargo e kompania a sigui duna servisio i a sigui bende ticket, loke a akumulá un montante di alrededor di 456 mil florin.
Riba 17 di yüni 2024 tur kuenta bankario di e kompania a keda hasí bashí di manera ku no tin sèn pa paga kreditornan ni trahadónan riba niun kuenta.
Minister President a duna di konosé di ta hopi rabiá, desgustá i desepshoná.
Tin indikashon ku tin entre 75 pa 350 persona ku no por regresá nos pais pa motibu di faillissement di JetAir Caribbean.
Minister President sr. Pisas huntu ku minister Cijntje i CTB ku CAH ta traha huntu pa yega na un solushon.
Publikamente Minister President a hasi petishon na sr. Antonio Ribeiro pa e duna tur disponibilidat i koperashon pa entregá pèrmit i otro rekisitonan di e kompania JetAir Caribbean komo ku Gobièrnu di Kòrsou ta risibí petishon di otro kompanianan ku ta interesá pa kontinuá ku e rutanan di JetAir Caribbean. Ta nesesario pa sr. Antonio Ribeiro duna tur koperashon kompletu i mas pronto posibel na curatornan di manera ku Gobièrnu di Kòrsou por yega na solushoná e problema aki.

Leave a Reply

This site uses Akismet to reduce spam. Learn how your comment data is processed.