Aktualmente nos dushi Kòrsou ta pasando den tempu kritiko i por kompará esaki ku un Kurason ku no ta funshoná bon 

Gilmar “Pik” Pisas

 

Aktualmente nos dushi Kòrsou ta pasando den tempu kritiko i por kompará esaki ku un Kurason ku no ta funshoná bon 

 

Kurason ta e órganonan mas importante di e kurpa humano i si nos Kurason no funshoná komo debe ser, esaki ta afektá hinter nos kurpa.

 

Ta p’esei ta importante pa nos kuida nos salu, pero mes importante ta pa nos kuida nos preshon kual ta un di e faktornan mas prinsipal ku por produsí un atake di Kurason kual por ta devastador pa kontinuashon di nos bida.

 

Kòrsou su finansa ku ta e Kurason pa bo por tin un pais salu, ya pa algun aña e no ta wòrdu kuida i manehá komo debe ser, lokual a i ta hinkando nos dushi Kòrsou den hopi problema.

 

Banda di esei e ader prinsipal ku mester alimentá nos finansa, kual ta Ekonomia tambe a konosé durante di e último añanan kontrakshon kual ta un di e kousanan prinsipal di e situashon finansiero deplorabel i frágil ku nos ta bibando aden.

 

Kòrsou ta na punto di un atake di Kurason i ta p’esei nos di Movementu Futuro Kòrsou (MFK) a skohe e siguiente lema pa elekshon di 19 di mart 2021. 

 

Nos Kurason ta bati pa Kòrsou (mira logo athunto).

 

MFK ta kere ku nos eksperensia atkerí durante di e último 8 añanan den polítika na Kòrsou a empoderá nos ku sufisiente konosementu pa por evitá nos dushi Kòrsou di un atake di Kurason i un kolèps total.

 

I ta p’esei nos di MFK ta pone nos Kurason na disposishon di pueblo di Kòrsou pa huntu nos ban pone e Kurason di Kòrsou bati bek ku un finansa i ekonomia stabil ku ta garantisá un Kòrsou próspero i ku oportunidat igual pa tur siudadano di nos dushi Kòrsou.

 

Gilmar “Pik” Pisas

Lider Politiko di MFK

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: