FUNDASHON SINTA ROS      “BREAST CANCER AWARNESS MONTH”

 

 

Djaweps 8 di Oktober 2020,

 

FUNDASHON SINTA ROS      “BREAST CANCER AWARNESS MONTH”

 

Oktober ta “BREAST CANCER AWARNESS MONTH”. Den otro palabra luna kaminda nos ta para ketu un ratu I pone atenshon na Kanser na pechu ku ya no ta un taboo mas I e no ta respetá niun edat ni tampoko sekso. Fundashon Sinta Ros ya pa 13 aña kaba tei pa duna ayudo, sosten I informashon na hende muhenan ku tin of tabatin kanser na pechu. 

Den kuadro ku “BREAST CANCER AWARNESS MONTH” nos ta hasi un petishon na tur kompania, instansia, kantornan pa hasi un gimmick e ultimo djabierne 30 di Oktober 2020, dor di por ehempel bisti na ros.

Luna di oktober ta nos luna di kolekta, na diferente establesimentu tin un buzon di Fundashon Sinta Ros, kaminda ku un I tur lo por hasi su donashon. Tur donashon ta altamente apresiá, maske kon chiki e ta. Tur fondo ku wordu rekoudá lo wordu uza pa nos sigui duna e servisio na nos klientenan manera nan a kustumbra kune.

E aña aki, nos lo no por tin nos kaminata manera pueblo a kustumbra, pa motibu di  e pandemia, pero si nos tin Tshirt na benta manera tur aña. Por pasa kumpra Tshirt serka nos na nos sede  Jongbloedweg 120.

 

Nos ta bai muda

Fundashon Sinta Ros ke anunsiá ku pa dia 11 di November proximo, nos lo bai muda pa un otro lokalidat, nos adres nobo lo bira Gosieweg 153.

Miembronan di direktiva I tambe boluntarionan ke yama pueblo di Korsou  danki pa e 13 añanan eksitoso I nos ta ban pa mas!

 

Angeline de Ron

Presidente

Tel: 7477353  – 511-3992

E-mail: fundashonsintaros@gmail.com

This site uses Akismet to reduce spam. Learn how your comment data is processed.

error: Content is protected !!
%d bloggers like this: