Delegashon di MFK a hasi un bishita na Aqualectra
Delegashon di MFK a hasi un bishita na Aqualectra
Manera ta konosí dia 19 di mart 2021, lo tin elekshon na Kòrsou pa skohe 21 miembro di Parlamento nobo.
Movementu Futuro Kòrsou (MFK), ku ya pa e último 10 añanan tin representashon den Parlamento tambe lo partisipá na e próksimo elekshon aki.
Den nos afan pa prepará nos programa di akshon di un forma ku nos por tene kuenta ku tur gremio den nos sosiedat, MFK a kuminsá ku un siklo di kombersashon ku diferente “stakeholders” (gruponan/empresanan) pa skucha nan pensamentu riba diferente tema di interes i riba e situashon aktual na Kòrsou.
Djabièrnè 9 di òktober último un delegashon di MFK ku a konsistí di Gilmar Pisas, Sithree van Heydoorn i Javier Silvania a hasi un bishita na Aqualectra.
A interkambiá di idea ku e gerensia di Aqualectra i durante di e reunionnan aki MFK a risibí diferente informashon. Tambe nos a haña kontesta riba nos preguntanan i preokupashonnan ku pueblo a bin ta manifestá relashoná ku produkshon i distribushon di awa i koriente.
Pa medio di esaki nos kier gradisí gerensia di Aqualectra señor Darick Jonis i señora Neisa Isenia pa a risibí nos i ta deseánan éksito den e trabounan na Aqualectra
Gilmar “Pik” Pisas
Lider Politiko di MFK
