Resumen di casonan di Covid-19 na Aruba
Resumen di casonan di Covid-19 na Aruba
Departamento di Salud Publico ta informa cu awe tin 13 caso nobo di covid registra. Segun e tabel por tuma nota di solamente 4. Esaki pa motibo cu a haci un limpiesa di e data y a saca afo 9 caso positivo di personanan cu a her-test sea pa motibo medico of relaciona cu labor (positivity rate bou residente 12%) tambe 37 persona mas a recupera, casonan activo a baha cu 33 y ta awe na 310, total di testnan haci ta 243, testnan haci bou di residentenan na laboratorio di hospital ta 99. E total di casonan di fayecimento relaciona na Covid-19 ta na 32.
Hospital ta informa cu tin un total di 7 persona interna di cual 1 ta den cuido intensivo y 6 ta isola riba piso general.
Pa nos sigui controla e pandemia di Covid-19 ta importante pa comunidad ta alerto y na prome indicacion di sintoma tuma contacto cu dokter di cas pa por haci un test. Door di isola e casonan positivo nos por controla e virus y stop e di sigui plama.
Ban sigui cuida, Aruba ta conta cubo pa sigui maneha y controla e virus di Covid-19.
