Detenshon pa violashon di lei di opio.

KOMUNIKADO DI PRENSA 423 / 2020
26 òktober 2020
Detenshon pa violashon di lei di opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 25 di òktober 2020, personal di Warda di Barber a detené un dama sospechoso
pa violashon di lei di opio.
E dama U.F.F. a trese artikulonan pa un sospechoso ku ta será na Warda di Polis Barber.
Na momentu ku polis a bai kontrolá e artikulonan aki, nan a haña i konfiská dos pida hash
den boternan di deodorante i dos saku chikí di plèstik ku mariwana den boter di wax pa
kabei.
A detené alrededor di 18.15’or na Warda di Polis Barber e dama U.F.F. nasé na Kòrsou di
46 aña di edat, pa violashon di lei di opio.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.