Minister Jesus- Leito a huramentá un Dòkter i dos Botikario

 

Minister Jesus- Leito a huramentá un Dòkter i dos Botikario

Willemstad – Resientemente Minister di Salú, Medio Ambiente i Naturalesa señora Zita Jesus-Leito MBA, a huramentá un Dòkter i dos Botikario. Drs. Natasha M.V. Hoeve a huramentá komo Dòkter di Kas i drs. Eline A.R. Pringels i drs. Nadir T.G. De Lima ámbos a huramentá komo Botikario.

Minister Jesus-Leito ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma aki e tres hóbennan profeshonal a kumpli ku eksigensianan di nos leinan vigente pa nan por ehersé nan profeshon. Despues di e akto ofisial Minister Jesus-Leito a felisitá señora Hoeve, señora Pringels i señor De Lima i a deseá nan tur klase di éksito den nan karera. 

Riba potrèt drpd: drs. Eline Pringels, Minister Jesus- Leito, drs. Natasha Hoeve i drs. Nadir De Lima despues di e akto ofisial