Detenshon pa destrukshon i menasa.

November 1, 2020 REDAKSHON

KOMUNIKADO DI PRENSA 428 / 2020
1 novèmber 2020
Detenshon pa destrukshon i menasa.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 1 di novèmber 2020 alrededor di 01.24 or di mardugá, Sentral di Polis a dirigí
un unidat polisial na C.M.C. pa un kaso di destrukshon i menasa.
For di un investigashon preliminar ku polis a hasi, a resultá ku un homber ku tabata involví
den un aksidente, a yega C.M.C. for di su konosementu pa tratamentu mèdiko.
Dado momento e persona aki ku tabata risibí tratamentu a bini na su konosementu i ku
agresividat a kuminsá kibra bastante artíkulo den C.M.C. i menasá e personal ku tabata
dun’é tratamentu. Na e sitio polis a detené e hòmber sospechoso R.S.S. nasé na Kòrsou, di
26 aña di edat, pa menasa i destrukshon.
A present’é dilanti di un fiskal ouksiliar ku a ordená su enkarselamentu pendiente di mas
investigashon.