Banco di Caribe ta sigui instalá ATM nobo Algun ATM lo no ta disponibel temporalmente 

 

Banco di Caribe ta sigui instalá ATM nobo

Algun ATM lo no ta disponibel temporalmente 

 

WILLEMSTAD: Banco di Caribe ta anunsiá ku próksimamente lo sigui ku instalashon di su ATMnan nobo. Resientemente a instalá ATM nobo na Herst, Arco Iris, Mahaai i na Cubaweg na altura di San Lucas Mini Market. E ATMnan menshoná a keda remplasá pa esnan mas moderno ku tin ‘touch screen’ i ku por lesa chep. Durante e periodo di remplaso e ATMnan lo no ta disponibel. 

 

Banco di Caribe lo notifiká via di un poster pegá na e ATM, ku e unidat ta temporalmente for di servisio. Tambe lo indiká e kliente kua ta e ATM mas serka ku e por usa. Ta kòrda tur kliente ku por konsultá e wèpsait http://www.bancodicaribe.com pa un lista di tur ATM òf por hasi uso di e ‘ATM locator’ den e ‘BdC Mobile Banking’ app.  Tur kliente- i otro usuario por akudí na un ATM di Banco di Caribe pa lanta sèn, pidi saldo di kuenta i si ta un kliente di Banco di Caribe, lo por transferí sèn di un kuenta pa otro i kambia PIN periódikamente.

 

Banco di Caribe ta pidi su diskulpa pa e inkumbiniensia ku por presentá. Lo hasi e máksimo esfuerso pa trabounan relashoná ku remplaso di ATM kana mas lihé posibel di manera ku klientenan por disfrutá di un eksperensia moderno na momento ku hasi uso di Banco di Caribe su ATM nobo!  

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: