Detenshon pa maltrato i menasa.

KOMUNIKADO DI PRENSA 432 / 2020
4 novèmber 2020
Detenshon pa maltrato i menasa.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un kaso di maltrato i menasa, kometé dia 2
di novèmber último, polis a detené tres (3) persona.
Riba e dia en kestion, na un kas den Kaya Gibi Djaoen a surgí un problema entre e
sospechosonan ku na e momento ei tabata hür e kas i e víktima/intermediario. E situashon
a kulminá ku e sospechosonan a menasá i maltratá e víktima.
Ambulans ku a presentá na e sitio a transportá e víktima pa C.M.C. pa tratamentu mèdiko.
Na e sitio polis a detené un di e sospechosonan e dama G.D.C.F.P., di 39 aña di edat, nasé
na Venezuela. E otro dos (2) sospechosonan a bandoná e sitio.
Kontinuando ku e investigashon, djamars 3 di novèmber 2020, polis a detené e otro dos (2)
sospechosonan. Ta trata di e hòmbernan, R.J.V.F. di 20 aña di edat i R.E.V.F. di 19 aña di
edat, ámbos nasé na Venezuela.
Detenshon a tuma lugá na Warda di Reshèrshi (VVC).
A presentá tur e sospechosonan dilanti un fiskal ouksiliar, e dama G.D.C.F.P. a keda den
libertat despues di interogashon, e otro dos (2) sospechosonan a keda será pendiente di
mas investigashon.