Inskripshon pa Premio di UNESCO pa idioma materno Papiamentu
Inskripshon pa Premio di UNESCO pa idioma materno Papiamentu
Geplaatst op 03 November 2020 dor di Ministerio Enseñansa, Siensia, Kultura & Deporte
WILLEMSTAD – Komishon Nashonal di UNESCO Kòrsou den kuadro di Dia Internashonal di Idioma Materno 2021 (21 di febrüari) ta bai otorgá pa di 6 biaha e:
“Premio di UNESCO Kòrsou pa idioma materno Papiamentu”
Propósito di e premio aki ta pa premia servisionan di institushonnan, organisashonnan òf personanan ku a demostrá mérito sobresaliente durante 2020 i a logra resultado efektivo ku ta kontribuí na desaroyo di nos idioma Papiamentu papiá pa mayoria di nos pueblo.
Komishon Nashonal di UNESCO Kòrsou ta organisá e aktividat aki i ta informá tur hende ku ta interesá, ku e inskripshon ta habri entrante 3 di novèmber 2020 i ta sera bèk dia 21 di novèmber 2020. Tur siudadano di Kòrsou por inskribí òf nominá un persona, organisashon òf instituto pa bira nominado.
Pa mas informashon relashoná ku kriterionan di partisipashon / evaluashon i formulario di inskripshon, por pasa personalmente na:
Ministerio di Enseñansa, Siensia, Kultura i Deporte, APC Building, (antes APNA) na Schouwburgweg 24-26 òf por yama na telefòn 434-3700/434-3711.
