Pronóstiko di tempu pa Kòrsou i bisindario bálido te djaluna mèrdia 18:00 o.l., 9 di novèmber 2020.

Pronóstiko

Pronóstiko di tempu pa Kòrsou i bisindario bálido te djaluna mèrdia 18:00 o.l., 9 di novèmber 2020.
Kompilá: 
djadumingu 8 di novèmber 2020, 11:00 o.l. (15:00 UTC).

Tempu: Shelu lo sigui parsialmente te hopi nublá ku algun áwaseru lokalmente. Tambe tin un breve posibilidat ku bos por zona.

Temperatura máksimo lo alkansá 31ºC i temperatura mínimo 25ºC.
Solo ta sali 06:31 i ta baha 18:08 o.l.

Bientu: Direkshonnan entre ost i sùitost i suak te moderá; forsa 2 te 4 (7 te 30 km/ora, 4 te 16 nudo). Algun ráfaga posiblemente basta fuerte; forsa 5 (31 te 39 km/ora, 17 te 21 nudo).

Situashon general: Un disturbio den e parti mas abou di atmósfera ta persistí serka di nos área i temporalmente e lo sigui sòru pa desaroyo di nubianan ku áwaseru riba partinan di e isla i su bisindario. Apart di esaki, generalmente bientu lo sigui un poko suak durante awe i tambe kuminsamentu di siman.

Kondishon di laman: Trankil te moderá ku altura di olanan serka di 1 meter (3 pia).

Sistemanan signifikante di wer tropikal: Tormenta Tropikal Eta lo move den un direkshon nortost i pasa riba parti sentral di Cuba awe mainta i mas lat kue un direkshon nortwèst pa probablemente pasa sùit di e península di Florida durante kuminsamentu di siman. E tormenta no ta un menasa pa Kòrsou.

Fenómeno spesial: Ningun.

Perspektiva te djamars mèrdia: Brevemente un poko mas nubia ku un te dos áwaseru lokal.

Meteorólogo: Correa

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: