UTS: Nos ta konfirmá ku tabatin un suseso lamentabel na nos store na Saliña

“Nos ta konfirmá ku tabatin un suseso lamentabel na nos store na Saliña durante kua un kliente a insultá, menasá i a físikamente konfrontá nos personal.
E salú i seguridat di nos staf i di nos klientenan ta nos prioridat mas grandi, i nos a tuma e pasonan nesesario pa sigurá ku nos ta proveé un ambiente di trabou/negoshi ku ta seif p’asina mitigá e posibilidat pa tipo di susesonan aki ta tuma lugá den futuro den nos área komersial.
Nos sa ku e servisionan ku nos ta proveé ta importante i nos tin tambe e deber pa sigurá ku e aporte ku nos ta brinda na nos klientenan ta na un nivel haltu.
Miéntras ku ainda nos tin trabou pa loke ta trata esaki, nos ta hasiendo gran progreso i ta sigui komprometé na fortalesé e relashon ku nos klientenan dor di proveé e mihó eksperensia di servisio posibel.” – Danny Macaya, Country Manager

This site uses Akismet to reduce spam. Learn how your comment data is processed.

error: Content is protected !!
%d bloggers like this: