Trabou di mantenshon riba brùg di pisa na entrada di Lèntfel

Den próksimo dianan, konkretamente djaluna 23 di novèmber i djamars 24 di novèmber ta bai tin trabounan di mantenshon riba e brùg di pisa na entrada di Lèntfel Malpais. E trabounan di mantenshon ta trese kuné ku durante di 2 dianan akí tur kliente lo hasi uso di solamente e balansa grandi na parti ost. 

Mantenshon di e brùgnan akí ta di sumo importansia den kuadro di kontinuashon di un maneho di shushi efisiente i efikas. E maneho akí ta dirigí riba resultadonan pa mehorá i optimalisá servisio na kliente riba un base kontinuo. 

Durante di e 2 dianan di trabou, 23 i 24 di novèmber, usuarionan lo bai risibí instrukshon di tantu e seguridat i personal di Selikor. Nos ta konta ku koperashon di usuarionan di Lèntfel den esaki pa sigui tur instrukshon ku lo keda duna na Lèntfel Malpais.