E konosido produktor i presentadó di e programa Hóben Positivo TV; Eugene Valpoort a skohe un reto nobo.

 

E konosido produktor i presentadó di e programa Hóben Positivo TV; Eugene Valpoort a skohe un reto nobo.

 

Willemstad – djasabra 28 di novèmber 2020 e konosido produktor i presentadó di Hóben Positivo TV; Eugene Valpoort a anunsiá den su programa i tambe riba su página di Facebook ku banda di su programa semanal el a skohe pa un reto mas grandi ku su mes.

 

Pa medio di un serie di programa den e luna tras di lomba Eugene Valpoort a laga mira un otro banda di dje ku nòrmalmente no ta bini dilanti ora e ta presentá su programa semanal. Den e serie di programanan, titulá “Un tiki mas di Eugene Valpoort”, el a bai profundo den su bida pèrsonal, familiar, estudio i su trabou.

 

Eugene Valpoort a nase na Kòrsou dia 22 yüni 1995 i mayoria hende konosé komo “É hóben positivo”, debí ku e tin un fundashon ku ta; Fundashon Kòrsou tin Hóben Positivo (KHP). Tambe el a forma parti na diferente organisashon entre otro humanitario ku a yuda su desaroyo pèrsonal. Eugene Valpoort ta kere firmemente den trabounan humanitario, komo un poblashon diversifiká bibando riba un pais chikí, nos mester ta mas konsiente di ki importansia ta pa duna un man kaminda mester.

 

​Eugene Valpoort su trayektoria di skol tabata unu hopi inspirativo apesar di opstákulo ku a presentá den su estudio, el a sa di surpasá esaki nan ounke esaki a tuma mas tempu. Eugene a kaba su skol básiko después sigui pa VSBO kaba el a hasi su MBO den e area di merkadeo i na e momentunan aki e ta hasiendo su “bachelor” den “Business Administration with a major in General Management” ku lo e terminá e aña entrante i lo kontinuá mesora pa optené su “Master degree”.

Den su area di trabou den sektor empresarial el a traha komo “Marketing assistant”, “Brand manager” i “Acting sales and marketing manager”. I aktualmente den sektor públiko e ta kolaboradó di minister di SOAW.

 

​E reto ku Eugene Valpoort a skohe ta pa bai sigui sirbi su país pa medio di e arena polítiko. E motibu di su entrada den e arena aki ta pa duna un aporte mas di aserka na su pais. I komo un hóben e tin e konvikshon ku hóbennan tin un balor inmenso pa e país aki i ku a yega tempu pa nan ta proaktivo i kuminsá asumí ròlnan di balor pa nos país. I e ta konvensí ku ta e momentu perfekto pa inovashon i idea di hóben mesklá ku eksperensia di grandinan pa dirigí e país pa dilanti. Na e momentu aki nos pais mester di nos tur pa asina e prosperá. Kambio positivo di un país, ta kuminsá na momentu ku pèrsonanan prepará, kapas i ku tin kurashi sali pa siribi nan país sin tin niun interés pèrsonal.

 

Eugene Valpoort a skohe pa forma parti di partido MAN; Movementu Alsa Nashon. E eskoho aki ta kuadra perfektamente ku Eugene Valpoort su prinsipio, idiologia, vishon i mishon, kaminda dignidat humano ta sentral, hustisio sosial den tur libertat i solidaridat.

 

Eugene su vishon ta pa mira un Kòrsou ku ta brota di prosperidat, kaminda kada suidadano por tin e mesún oportunidat, un edukashon asesibel i di un kalidat haltu i uniformá. Kaminda ta duna mas balor na empresa chikí i mediano, tin un Kòrsou “SMART” kaminda ku ta baha burokrasia. Su mishon ta pa komo polítiko e ta e refleho ku ta biba den nos komunidat, e bos irespekto sekso, edat, religion, nivel di bida, edukshon i/òf nashonalidat. E ke pa pone énfasis riba e hóben pa asina nan tin mesún derechi den nos komunidat. Tambe e ke enfoká riba formashon di e hende i desaroyo general. I pèrkurá di ta un polítiko ku lo keda ku e mesún kara i e mesún kurason pa su país. 

 

Tur esaki Eugene Valpoort ta komprometé di hasi, pasó nos meresé un mihó Kòrsou!

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: