Fundashon Famia Plania Bati Kibra.

dia 1 di dezèmber 2020, Fundashon Famia Plania a ranka sali ku e proyekto Bati Kibra, esaki
enkonekshon ku 55 aña Fundashon Famia Plania na òktober 2020 i tambe dia internashonal di
HIV/AIDS.e proyekto aki tin komo meta pa konsientisá e hóben riba e area di seksualidat i pueblo di
Kòrsou ku Fundashon Famia Plania ta di vital importansia pa pueblo.
Nos hóbennan ta hunga un ròl hopi grandi den nos komunidat i tambe komo futuro mayornan. Mirando
e influensia ku nan tin riba otro tokante e tema relashon
seksual, ta un nesesidat pa nos influensiá nan komportashon riba e bon
kaminda.
Komo resultado por tin un komunidat stabil, un komportashon seksual salú i bon mayor pa nan yunan
den futuro. P’esei ku bista riba futuro nos a bin ku un proyekto kaminda nos ke bati nan ku informashon
i kibra e tabú rondó di seksualidat (Bati Kibra) i asina konsientisá e hóbennan den e proseso di un
komportashon seksual responsabel i salú. Tambe di e balor i importansia di Famia Plania den nos
komunidat. Básikamente nos ke influensiá “peer pressure” i hasi esaki un preshon positivo, un preshon
salú kaminda nan por siña i gana konosementu riba e tereno di formashon seksual. Hóbennan tin
derecho riba un bon formashon seksual ku ta hasi nan mas konsiente na momentu di tuma desishon.
E promé skol ku e tim di Bati Kibra a bishitá St.Paulus VSBO. E tim di Bati Kibra lo duna formashon
seksual riba 4 area: Konose bo kurpa, Malesanan Transmiti Seksualmente, Antikonseptivo , Sekso
Seksualidat i Relashon Seksual.
Alabes e tim di Bati Kibra a hasi debut di nan manual dediká na hóben “ Adolesensia:Desafio grandi,
kambionan grandi.”
si tin un skol ku ta interesá pa e tim di Bati Kibra bishitánan òf ta desea mas informashon por tuma
kontakto ku Fundashon Famia Plania na 4611323.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: