KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

FARANDULA - SOSIAL - ARTENOTISIA

“Tur Mi ke Pa Pasku”

Den Haag – DEMI, den esena latino hopi lo konosé Demi komo bailarin di show i dosente na Bachata
Passion Dance Company, pero pa esnan ku no konos’é pero ta buskando kantika nobo di bachata,
Demi ta un bunita kantante femenino ku un zonido úniko, den kua su rais karibeña ta bin dilanti.
Su talento komo kantante tabata klaramente mirá pa ku su kompañeronan di ekipo Bachata
Passion. Enkurashá pa medio di e lider artístiko di Bachata Passion, Gennory , e a kuminsá den aña
2020 di focus mas riba kantamentu. Dor di ta okupá tu dia ku músika di bachata, e sa presis ta kua
kantika lo kai na agrado di su públiko, i e a ripara ku no tin masha kantika di bachata den e idioma
papiamentu, mirando ku riba e islanan karibense ku tòg e ta masha popular. P’esei a bin ku e idea pa
produsí kantikanan di bachata na papiamentu kombiná ku ingles, hulandes i spañó.
Demi su músika ta tambe un reflekshon perfekto di un kultura kombiná. Den su músika lo bo sera
konosí ku un dama elegante ku un pashon pa bachata, lantá na Boneiru ku un tata hulandes i mama
di Surinam.
Tur mi ke pa Pasku
Demi su promé produkshon ta , ALL i want for Christmas den estilo di bachata. Un alegre, baliabel
numero ku un sintimentu di Pasku kombiná ku un esfera di bachata, skirbí i adaptá na papiamentu
pa Marco Marchena. Den koperashon ku @ SIX BAND ku a toka e kansion, i graba den studio
Resound.
Den e video musikal bo ta mira tur kolaborador, enter otro musikantenan di @SIX BAND i e
baliadonan di Bachata Passion Dance Company, filmá pa Alex Anthony (GWEPA).
Palabran di Demi
E kantika di Pasku aki ta un meskla di un par di kos ku ta serka di mi kurason, entre otro Pasku , famia
i mi kombinashon di kultura. Tabata un eksperensia spesial pa a traha , produsí i filma e numero.
Tabata un koperashon di diferente hende riba nan tereno i pashon, ku a pone algu huntu i ku nos
por ta orguyoso di dje. E numero akí ta pa tur hende ku ta gusta ambiente di pasku kultura i tur e kos
nan mágiko ku e ta trese den e temporada aki.
Gustosamente mi kier a menshoná i gradisí algun hende ku a laga mi soño di mucha bira realidat.
Gennory i Steffie : masha danki pa e konfiansa den mi, i tur bosnan push konstante (pero amoroso)
ku a sòru ku, pafó di comfort’zone, mi por logra mi metanan. Danki tambe na e tata di Geno ku a
yuda den skirbi i adaptá e letranan. Esta un mente kreativo , kasi sigur e talento aki ta sinta den
famia. Danki na Nadeem , e produktor i @6 band. Un komposishon di musikantenan profeshonal ku
a yuda , i guia mi den studio. Mi ta mashá gradesido pa boso kalor i konsehonan ku mi a haña.
Mi famia i amigunan, danki pa bosnan amor i sosten.
Boneuri, Kòrsou, Surinam i Hulanda: danki pa e meskla kultural ku mi lanta den dje, ku a hasi mi e
persona mi ta awe.

 

639114718427035"
639114718427035"