BREAKING NEWS: KANGA / DEIN DAMA DI EDAT AVANSA TA MURI KIMA DEN KAS

Breaking News: Djasabra mainta pa mas o menos 5:55 am sentral di polis ta risibi notifikashon ku tin dos kas na kandel de area di Kanga / Dein un di e kasnan tabata mitar palu mitar bloki. Na momentu ku e prome patruya a yega na e sitio a bin tuma nota ku un di e dos kasnan tabata tur na kandel i ku tabata tin un persona den un di e kasnan. Na yegada di e prome unidat di brandweer e kandela tabata asina feros ku brandweer mester a domina e kandel prome pa despues drenta i wak si emberdat tabata tin un persona den e kas aki. I emberdat tabata tin un persona karbonisa den e kas. E prome indikashonan ta indika ku tabata ta tin dos persona den e kas, un homber ku ta yu di e dama ku a fayese. E yu homber si a logra sali sin kemadura na su kurpa. Pendiente di raport di polis