Suministro di koriente restablesé pa e área di Banda Abou kompletu

Despues di a traha te den oranan trempan di mainta nos téknikonan a logra repará e kabel mayó ku tabata kibrá entre Fontein i Pannekoek pa a restablesé koriente pa e área di Banda Abou kompletu. E kabel mayó aki a kibra ora ku un otro kompanía a instalá un palu sin tene kuenta ku e kabel ta pasa einan. Promé ku kuminsá reparashon, mester a buska unda e kiebro a tuma lugá, pa después repar’é.

Nos ta lamentá ku e trabou a dura asina largu, pero manera a informá ayera tardi, un reparashon di un kabel mayó asina lo a tuma su tempu pa wòrdu remediá debidamente. Nos ta ofresé nos sinsero diskulpa un biaha mas na komunidat di Banda Abou ku a sufri pa oranan largu debí na e interupshon di koriente kousá pa e ‘storing’ aki.

Nos a logra restablesé koriente pa nos habitantenan di Banda Abou. Sinembargo, si ta nota kualke partikularidat ku koriente por fabor yama nos Sentro pa Kliente libremente na 0800 0135 pa nos por asistí bo.