Dama di edat karbonisá despues ku kas a kima kompletu.

KOMUNIKADO DI PRENSA 490 / 2020
12 desèmber 2020
Dama di edat karbonisá despues ku kas a kima kompletu.
Departamentu di Komunikashon i Prevenshon
KUERPO POLISIAL KÒRSOU
SIRBI I PROTEHÁ
Djasabra 12 di desèmber 2020 alrededor di 05.56’or, Sentral di Polis a risibí informashon di un kas na kandela den Kanga.
Mesora a dirigí tantu un unidat polisial komo brantwer na e sitio.
Na nan yegada nan a topa un kas parsialmente di palu i di blòki, kompletamente nakandela.
Un hòmber habitante ku ta biba den e kas i ku a logra sali, a deklará ku su mama, un damaansiano, ainda ta den e kas.
Debí ku e kas tabata kompletamente na vlam, no tabata posibel pa e personal na e sitio drenta pa reskatá e dama.
Na momentu ku brantwer a dominá e kandela, a bin topa ku e dama kompletamente karbonisá.
Ta trata di e dama Elvia Cecilia Francisca, nase na Kòrsou dia 20 di sèptèmber 1935.
Investigashon den e kaso aki ta kontinuá.

This site uses Akismet to reduce spam. Learn how your comment data is processed.

error: Content is protected !!
%d bloggers like this: