KOMUNIKADO DI KUERPO POLISIAL KÒRSOU: Kontrolnan Tim Multidisiplinario (ku diferente potret)

KOMUNIKADO DI PRENSA 498 / 2020
19 desèmber 2020
Kontrolnan Tim Multidisiplinario
Departamentu di Komunikashon i Prevenshon
Página 1
KUERPO POLISIAL KÒRSOU
Telefòn: 866-6150 • 866-6152 • 866-6153 •
866-6154 • 866-6156 • 866-6158 •
E-mail: pr.polis@polis.cw
Wèpsait: http://www.polis.cw
Facebook : Korps Politie Curaçao
Adrès: Winston Churchillweg z/n • Willemstad • Curaçao
SIRBI I PROTEHÁ

Djabièrnè 18 di desèmber 2020 e tim multidisiplinario a realisá diferente kontrol riba nos isla.
A kontrolá ocho (8) establesimentu, di kua a sera sinku (5) i a duna kuater (4) doño di negoshi un prosès verbal.
Un komersiante a risibí atvertensia.
E infrakshonnan tabata entre otro benta di alkohòl na e sitio i operá un negoshi sin pèrmit.
Durante di kontrol na un establesimentu den área di Piscadera a konstatá ku esaki no tabatin pèrmit i e klientenan presente, alrededor di 100 persona, tabata konsumiendo alkohòl na e sitio.
En bista di e sirkunstansianan presente na e momentu ei, entre kua e kantidat di hende na e sitio, e infrastruktura di e lokalidat i e kapasidat di e tim di kontrol, tabata difísil pa aktua di forma represivo kontra di e klientenan.
E doño si a risibí un prosès verbal i a sera e negoshi inmediatamente.
E kontrolnan aki ta kontinuá.