PROSESO PA ATENDE KU OFERTANAN OBLIGATORIO (BINDING PROPOSALS) TA KANA KONFORME PALABRASHON
PROSESO PA ATENDE KU OFERTANAN OBLIGATORIO (BINDING PROPOSALS) TA KANA KONFORME PALABRASHON
Willemstad 23 desèmber 2020 – Refineria di Kòrsou (RdK) ta informá ku e Project Management Organization (PMO) ta manehando e proseso pa yega na un partner stratégiko nobo pa operashon di nos fasilidatnan petrolero segun palabrashon. Awor ku e partidonan den kontienda a manda nan oferta obligatorio (binding proposal), ta sigui e etapa di evaluashon. Durante e etapa aki tur partido a risibí algun pregunta aklaratorio ku a sali for di análisis di kada oferta. Intenshon di esaki ta pa tin bon kla kiko ta ofresí i kon lo kumpli ku esaki, pa por yega na e mihó partner strategiko.
Kada etapa di e proseso ta importante i lo tin ku sigui reglanan ku tur partido a bai di akuerdo kuné adelantá den e asina yamá “Process Letter” i “Amendment Letter”. Pa sigurá integridat di e proseso, partidonan a sera akuerdonan pa no divulgá informashon, den e asina yamá “Non-disclosure Agreement” (NDA). Ta na bienestar di tur partido i nos komunidat en general pa e proseso kana segun e reglanan stipulá.
Manera informa anteriormente lo skohe for di e tres ofertanan obligatorio risibi un partido preferenshal pa nos fasilidatnan petrolero. Despues mesora lo kuminsá ku negosashonan pa yega na un akuerdo final pa fin di Febrüari awor.
RdK lo sigui informá komunidat riba e proseso pa rebibá e industria petrolero di nos pais.