JCI Willemstad ku atenshon speshal pa e promé beibi di aña 2021

 

JCI Willemstad ku atenshon speshal pa e promé beibi di aña 2021
Pueblo di Kòrsou ya a kustumbrá pa 35 aña kaba kon JCI Willemstad ta duna atenshon na e promé beibi
di aña.
Pa aña 2021 Antillean Adventist Hospital (Advent Ziekenhuis) ta yama bon biní na e promé yu di aña
2021 ku yama Su’sergiëaly. El a nase pa 23:44 ku e peso di 3120 gram i e midí di 48 cm. Su orguyoso
mama ta Suvianka Pieter i tata ta Sergi Soto Beltran. Un legria inmenso a reina, na momentu ku partera
Fabber asisti pa zuster Petronella a yuda trese e beibi na mundu.
Bishita
Miembronan di direktiva di JCI Willemstad di 2021 a bishitá e mayornan di e beibi pa felisitá i sorpresá
nan ku algún regalo i opsekio. Presidente di JCI Willemstad, Sulmahine Kwidama, a ekspresá su legria ku
yegada di e beibi i tambe a duna felisitashon na e famia.
Un danki speshal ta bai na tur spònsernan ku ta karga ku e proyekto tur aña di nobo. Un danki na Salas
Sport Shop pa e plakaat ku ta sirbi komo rekuerdo di e dia memorabel aki. Un bes mas JCI Willemstad a
konta ku aporte di Freeport Jewelers ku a regala Su’sergiëaly un bunita armband. Pietersz Distribution,
representante di e marka Huggies, a ofresé na e prome beibi un pakete ku artikulonan di Huggies i mas.
Highlights Enterprise N.V. ku a regala un ‘rocking chair’ di Fisherprice, produktonan di Zwitsal, un
regalito i un ‘giftcard’. I serka Superkidz e beibi a risibi un bunita regalito. Spònser nobo ku nos por a
konta ku ne e aña aki, Mae.Lee Baby Boutique, a regala un ‘support pillow’.
Tambe nos ke a gradisi nos fotográfo, Joelly de Palm Photography, pa su tempu pa saka e potrètnan
bunita di e evento aki.
JCI Willemstad
JCI (Junior Chamber International) Willemstad ku su 59 aña di eksistensia no ta un organisashon
deskonosí na Kòrsou. E ta un organisashon “non-profit” ku ta enfoká riba liderasgo i formashon di
hóbennan entre 18 i 40 aña. E mishon di JCI ta pa kontribuí na desaroyo global di nos komunidat
dunando hóbennan e oportunidat pa desaroyá nan abilidat di liderasgo i responsabilidat sosial nesesario
pa asina krea kambionan positivo den nos komunidat.
JCI Willemstad ta deseá pueblo di Korsou un aña 2021 yená ku prosperidat i tur klase di éxito

This site uses Akismet to reduce spam. Learn how your comment data is processed.

error: Content is protected !!
%d bloggers like this: