James Grifferd Oscar Riviere ta fayesé despues di kai foi dak.

Djadumingu 17 di yanüari alrededor di 16.57’or, Sentral di Polis a risibí informashon ku na un adrès den Kaya Dril, un hòmber di edat a kai for di un dak i lastimá su mes.
Unidat di Otrabanda ku a yega na e sitio, a bin topa den kurá di e kas, un hòmber
drumí abou riba su lomba i ku no tabata duna señal di bida.
E víktima tabatin herida serio na su kabes.
For di investigashon ku polis a realisá na e sitio a sali na kla, ku e hòmber tabata riba dak hasiendo algun trabou i debí na un posibel deskuido el a kai for di e rant di e dak i bini abou.
E hòmber a sufri heridanan serio na su kabes i garganta i a fayesé na e sitio.
Dòkter di polis a konstatá morto di e víktima James Grifferd Oscar Riviere, nase dia 7 di òktober 1950 na Kòrsou.