MFK ta presentá un lista balansa i ku tur ingrediente pa ta e lista viktorioso dia 19 di mart próksimo

MFK ta presentá un lista balansa i ku tur ingrediente pa ta e lista viktorioso dia 19 di mart próksimo

 

MFK ta presentá su lista elektoral na pueblo di Kòrsou, ku e konfiansa ku den e lista aki tur hende lo rekonosé e ingredientenan ku e komishon di lista a basa su mes riba dje pa por a forma e lista aki. Un lista kaminda a kombiná Hubentut, Eksperensia i Profeshonalismo.

 

Nos a rekluta hóbennan ku a hasi karera den Parlamento Hubenil, pero tambe hóben ku a bin ta hasi trabounan balioso den barionan di Kòrsou, huntu ku nos miembronan di Parlamento i eks Ministernan ku tin sufisiente eksperensia pa por guia Kòrsou i pone nos isla bek riba e ruta di prosperidat.

 

Huntu ku hubentut i eksperensia nos a buska intelektualnan ku ta poseé di un studio i konosementu di nos nos problemanan komo pais, pero tambe ku tin sufisiente konosementu di e aparato gubernamental pa por yuda krea e Kòrsou Sano Salu i Sigur ku nos tur kier bida aden. 

 

Riba e lista di MFK tambe nos ta presentá kandidatonan pa okupá e 9 puestonan di Minister kual ta e 9 ministerionan ku ta parti di gobernashon.

 

Pueblo di Kòrsou esaki ta e lista ganado i nos ta konta ku bo apoyo i konfiansa pa dia 19 di mart próksimo bo selebrá e viktoria grandi MFK i no lubidá ku “Nos Kurason ta sigui Bati pa Kòrsou”.

 

Gilmar “Pik” Pisas

Lider Politiko

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: