Detenshon relashoná ku menasa
KOMUNIKADO DI PRENSA 028 / 2021
22 yanüari 2021
Detenshon relashoná ku menasa
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 21 di yanüari 2020 alrededor di 20.24’or, Sentral di Polis a haña notifikashon di un
kaso di menasa ku a tuma lugá na un kas na Seru Loraweg.
For di un investigashon ku polis a hasi na e sitio a resultá ku un pareha tabata den
diskushon ku otro i esaki a terminá den menasa ku un arma.
E señora a logra kita e arma i wardé na un luga sigur pa entregá esaki na polis.
Na e sitio polis a detené e hòmber sospechoso J.A.O. nasé na Kòrsou di 24 aña di edat i a
konfiská e arma.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.
