Kaso di tiramentu ku herido

 

KOMUNIKADO DI PRENSA 032 / 2021
25 yanüari 2021
Kaso di tiramentu ku herido
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 24 di yanüari 2020 alrededor di 22.05’or, Sentral di Polis a haña notifikashon ku
un hòmber a presentá na Departamentu di Emergensia di C.M.C. ku herida di bala.
For di un investigashon ku polis a hasi a resultá ku un ratu promé tres hòmber latino den un
vehíkulo tabatin problema ku un pareha den nan vehíkulo pa asuntu di stashoná outo na
Berg Altena.
Diripiente un di e hòmbernan latino a baha for di su vehíkulo, kana yega na e vehíkulo ku e
pareha aden i lòs tiru for di un arma di kandela dirigí riba okupante di e outo ku a alkansé
na su barika. Despues di e akto aki e hòmber a drenta su outo i bai for di e sitio.
E viktima a bai Departamentu di Emergensia di C.M.C. den outo personal pa tratamentu
médiko. Polis a konfiská e vehíkulo di e víktima pa mas investigashon.
Departamentu di Reshèrshi ta kontinuá ku e investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: