Kaso di ladronisia ku detenshon.

KOMUNIKADO DI PRENSA 040 / 2021
30 yanüari 2021
Kaso di ladronisia ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 30 yanüari 2021, alrededor di 05.36’or di mardugá, Sentral di Polis a risibí
informashon di un ladronisia ku a tuma lugá den un vehíkulo na Cas Coraweg.
For di un investigashon ku polis a hasi na e sitio a resultá ku un hòmber a kibra i drenta den
un vehíkulo i bai ku diferente artikulo.
Polis a kuminsá ku un búskeda den e área i a señala e sospechoso riba Kaminda Rignald
Recordino. Alrededor di 07.08’or polis a detené e hòmber O.L.S. nasé na Kòrsou di 39 aña
di edat. Tambe e sospechoso a bai mustra polis kaminda e la warda tur e artikulonan hòrtá.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.