Alerta pa aktonan froudulento via internèt.
KOMUNIKADO DI PRENSA 045 / 2020
2 febrüari 2020
Alerta pa aktonan froudulento via internèt.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Polis ta risibiendo keho di diferente siudadano ku a bira víktima di aktonan froudulento i di
ladronisia for di nan kuentanan di banko.
E forma di operá di e delinkuentenan ta, ku nan ta risibí un mail ku supuestamente ta di
banko i ta pidi e kliente pa e subi un link.
Na momentu ku e hasi esaki, e sistema ta indiká ku e ta bezig ta ‘upgrade’ i ta pidi e kliente
su nòmber di usuario i kódigo sekreto.
Na momentu ku e kliente kaba di registrá tur e informashonnan aki, e sistema ta sera
normalmente.
Despues di un tempu, e kliente ku a hasi e trámite aki, ta bin ripará ku un montante a
wòrdu kita for di su kuenta, sin su outorisashon.
No ta usual ku bankonan ta pidi klientenan informashon manera nòmber di usuario i kódigo
sekreto via di mail.
Tampoko nan ta duna nan klientenan informashon konfidensial ni sekreto via di e-mail.
Pues ta trata aki di un mail froudulento ku no ta salí di bankonan.
P’esei Kuerpo Polisial ta pidi tur kliente di banko pa tene bon kuenta i sea alerta pa e
práktika aki, ya ku tin klientenan ku a bira víktima di sumanan di alrededor di 40 mil florin
ku a disparsé for di nan kuenta sin nan outorisashon.