Calmes: “Nos no ta kontra di desaroyo di área nan pero ta Importante pa sa e situashon real”

 

Calmes: “Nos no ta kontra di desaroyo di área nan pero ta Importante pa sa e situashon real”

 

Parlamentario independiente i a la bes lider di partido Trabou Pa Kòrsou (TPK) a tuma nota di algún inkietut riba retnan sosial pa ku posibel desaroyo di e área kaminda tin e famoso ‘zoutpannen’ i flamingo aya na Rif St. Marie ku ta keda den bisendario di Willibrordus. 

 

Ta parse ku tin un posibel proyekto den kuadro di desaroyo di un eco-resort ku lo bai start eynan.

 

Konforme Calmes e no ta kontra di niun desaroyo komo ku Kòrsou awor mas ku nunka tin e nesesidat na proyektonan ku ku lo krea kuponan di Trabou i ku lo yuda ‘boost’ nos ekonomia.

 

Si Calmes kier sa kiko realmente ta e situashon aya na Rif St. Marie. En berdat tin plannan pa desaroyá un eco-resort na e sitio aki ? Tur kos ta bayendo konforme Lei i proseduranan stipulá? 

 

“Trabou Pa Kòrsou no ta kontra niun desaroyo, pero komo aki ta trata di un área turístiko históriko ku su importansia pa nos naturalesa, pues ta importante pa sa kon e área aki lo keda konservá. Tambe mi ke sa kiko lo pasa ku e flamingonan”, Calmes ta enfatisá.

 

Calmes a manda karta ku e preguntanan ariba menshoná pa e Ministernan di VVRP, sra. Zita Jesus Leito (PAR) i MEO, sr. Steven Martina, pendiente di un reakshon.