Mas amor pa nos lugá!

Mas amor pa nos lugá!

 

Na momentu ku e tristu notisia a bira konosí ku malechornan a komete vandalismo i robo den fin di siman na e edifisionan situá riba tereno di baseball na Montańa Abou, hopi ta e  suidadanonan di nos pais ku no por a traga esaki. Vandalismo na propiedat di otro hende i robo no ta aseptabel den ningun forma. Den un kombersashon ku un di e personanan responsabel di e organisashon di Montab, señora Diana Daal, Diana a splika ki dóló e miembronan di nan organisashon a keda ku ne pa motibu di e suseso desagradabel aki. Algu ku realmente ta perhudiká nan parke i perhudiká mas ku 1000 mucha (di wimpiri te senior league) ku ta miembro di Montab i alabes otro organisashonann i hobennan ku ta hasi uso di e parke di Montab. Partido PIN ta kondená e suseso aki den tur forma.

Pesei partido PIN tin den su Manifesto 2021 posibel solushonnan pa baha e tipo di krimennan aki den bario dor di :

1. Inbertí den nos barionan ; drecha barionan di un manera ku e hendenan den e bario ta bira mas orguyoso di nan bario i tur lokual nan bario tin pa ofresé. Di e manera aki PIN ta konvensí ku suidadanonan ta kuminsá stima i yuda kuida nan bario muchu mas mihó. 

2.Inbertí den deporte pa alsa patriotismo. PIN ta konvensí ku deporte ta un di e vehikulonan prinsipal pa lanta patriotismo den nos pais. Tin amor pa nos lugá. E malechornan ta kuminsá kompronde kiko ta e balor agregá di un parke di deporte den nos pais. Esaki lo kontribui ku un malechor lo duda na komete vandalismo na e.o. parkenan di deporte paso e ta sinti ku esaki ta di dje tambe i di su famia. Patriotismo alabes ta yuda e suidadano haña amor propio i e ta duda pa komete e tipo di maldatnan aki ku ta perhudiká nos pais i lo no  koperá tampoko pa kumpra artikulonan desendiente di robo. 

Nos tur mester por kanta e kansion “dushi Kòrsou” di Rudy Plaate un dia. Nos meresé un pais dotá!