KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Parlamento a aprobá e “vaststellingsovereenkomst” entre Gobièrnu di Kòrsou i Fundashon Kas Popular. 

 

Parlamento a aprobá e “vaststellingsovereenkomst” entre Gobièrnu di Kòrsou i Fundashon Kas Popular. 

 

Willemstad –  Pa años Fundashon Kas Popular (FKP) tabatin un kleim riba Gobièrnu di Kòrsou, kual a kuminsá akumulá for di aña 2001. Esaki tabata a base di e retraso di pago di tantu e montantenan pa mantenshon di kasnan bou di maneho di FKP i e supsidio di hür ku FKP ta duna na su klientenan. Riba petishon di Minister di Finansa na aña 2014, SAOB a hasi investigashon i saka un raport  den kual e kleim a wòrdu adaptá, despues di un proseso di komparashon ku FKP. Abase di esaki a kuminsá traha riba e “vaststellingsovereenkomst” i akuerdo di maneho, na aña 2017,  riba insistensia  di aktual Minister di Tráfiko, Transporte i Planifikashon Urbano, señora Jesus-Leito (VVRP).

 

E “vaststellingsovereenkomst” ta stipulá altura di e debe atrasá di Gobièrnu pa ku FKP, durante e proseso largu aki a logra baha e kleim di kasi 100 mion na e montante final di 13.5 mion. Esaki a keda pone den un lei ku a pasa Parlamento awe, kual miembronan di Parlamento a vota riba dje. E resultado final di hinter e proseso aki ta, ku un kleim haltu a ser rektifiká i lo no tin influensha mas riba presupuesto di Gobièrnu komo un faktor di rísiko.

 

Awor lo sigui pa firmamantu di un akuerdo di mantenshon i maneho di supsidio entre FKP i Gobièrnu di Kòrsou. E akuerdonan di  maneho i di supsidio aki lo sòru pa un relashon fiho entre Gobièrnu i FKP, kaminda e konsekuenshanan finansiero ta premirá. E akuerdo di maneho ta fiha e guia i kriterionan pa mantenshon di e kasnan dor di FKP i ta ser regla dor di Ministerio di VVRP. Tambe lo hasi un investigashon pa asina midi e kondishon aktual di estado di e kasnan  di FKP. Esaki ta bira  e normanan di prestashon di parti di FKP pa ku maneho i mantenshon di e kasnan di Gobièrnu. E maneho di supsidio ta wòrdu regla dor di Ministerio di  Desaroyo Sosial i  Asuntunan Laboral (SOAW) i ta enserá e kondishonnan ku FKP mester kumpli kuné pa por risibí esaki.

639114718427035"
639114718427035"