Partido Democraat a reuní ku Chata 

 

Partido Democraat a reuní ku Chata 

Nos sektor di turismo a sufri enormemente a konsekuensia di e pandemia kousá pa Covid-19. Konsekuentemente mester ahustá i adaptá pa por sigui risibí turista di forma responsabel. Un pilar tan importante pa nos ekonomia. 

Chata a presentá su punto di bista i posishon na partido Democraat pa medio di un “position paper” kaminda ta deskribí kiko Chata ta pensa ku mester sosodé den e sektor pa garantisá e pilar ekonómiko tan importante aki. 

Durante e enkuentro miembronan di e hunta di Chata a interkambiá ku Lider polítiko di Democraat, señora Elsa Rozendal, señora Jeanette Hooi- Bonet i señor Haitham Metry, riba diferente aspekto manera entre otro introdukshon di programanan di preparashon pa e sektor di turismo na skolnan, preparashon di hendenan sin trabou i lei ku ta nesesario pa regulá e sektor mihó. 

Pa partido Democraat turismo i mantenshon di kuponan di trabou direkto i indirekto ta importante. Partido Democraat ta enfatisá ku mester sigui krea pilarnan ekonómiko nobo pa karga i stimulá nos ekonomia. Un ehèmpel ta turismo médiko pero tambe hasi mihó uso di zonanan pafó di siudat komo areanan turístiko. 

Tempu ta diferente i mester bini ku aserkamentu, ideanan i solushonnan diferente pa asina sigurá prosperidat pa tur ku ta benefisiá di nos sektor turístiko. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: