Detenshon relashoná ku violashon di lei di arma di kandela.
KOMUNIKADO DI PRENSA 070/ 2021
20 febrüari 2021
Detenshon relashoná ku violashon di lei di arma di kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 20 di febrüari 2021 alrededor di 10.47’or durante di su patruya den Antillenweg,
un unidat di warda di Rio Canario a señalá un vehíkulo ku di un forma sospechoso a sali for
di un kura di kas.
Riba e outo aki tabatin un plachi di number ku no tabata kuadra ku e vehíkulo en kestion.
Mesora e polisnan a para e vehíkulo aki, miéntras e shofùr i e ko-okupante a sali na kareda.
E unidat a kuminsá un persekushon kòrtiku na pia i a logra detené e shofùr sospechoso, e
hòmber J.R.A.H.P. di 20 aña di edat nase na Kòrsou.
Despues di a tene un entrada hudisial na e kas for di kua e sospechosonan a sali, polis a bin
topa ku un arma di yag modifiká i tambe algun bala skèrpi, ku a keda konfiská.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.