Detenshon relashoná ku menasa.
KOMUNIKADO DI PRENSA 074 / 2021
23 febrüari 2021
Detenshon relashoná ku menasa.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 22 di febrüari 2021 alrededor di 21.07’or, Sentral di Polis a haña notifikashon di un
kaso di menasa ku arma ku a tuma lugá riba lugá di parker na Piscaderabaai.
For di un investigashon ku polis a hasi na e sitio a resultá ku un hòmber tabata molestia
bishitantenan di e restorant na Picaderabaai. Bewakernan di e restorant a bai atende ku e
hòmber aki pero e hòmber a menasá nan ku morto ku un kuchú.
Un patruya di Magnolia ku a yega na e sitio a detené e sospechoso relashoná ku e menasa
ariba menshoná i a kita e kuchú for di dje.
Na momentu ku polis a yega na e sitio, e personal di Magnolia a entregá e hòmber
sospechoso, J.D.P.C.G. nasé na Kòrsou di 58 aña di edat i e kuchú konfiská na e unidat.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.