VURNON ANITA ELEGIBEL PA HUNGA DEN SELEKSHON NASHONAL DI KÒRSOU!

 

VURNON ANITA ELEGIBEL PA HUNGA DEN SELEKSHON NASHONAL DI KÒRSOU!

 

Federashon futbòl Kòrsou ta orguyoso di por anunsiá ku FIFA a honra e petishon di Vurnon Anita pa por hunga pa e selekshon nashonal di Kòrsou. Ku e desishon aki Anita a bira elegibel pa e selekshon nashonal di Kòrsou ku ta keda dirigí pa Sr. Guus Hiddink. Hinter e proseso aki a dura algun luna pero ku un resultado satisfaktorio. Federashon Futbòl Kòrsou ta felisitá Anita, ku den pasado a hasi e petishon aki na FIFA pero sin e resultado deseá i ta ansioso pa su binida den nos selekshon.

 

Anita tambe ta sumamente kontentu ku su petishon a wòrdu honrá i ta premirá ku e soño di por hunga pa Kòrsou lo kristalisá. E selekshon nashonal di Kòrsou ta preparando pa e próksimo kalendario di FIFA ku ta kore di 22 di mart pa 30 di mart 2021, hunga e promé buèlta di e partidonan di kualifikashon pa Mundial. Kòrsou ta risibí St. Vincent & The Grenadines pa hunga dia 25 di mart aki na Kòrsou pa despues nos topa Cuba dia 28 di mart 2021. Manera ya a keda anunsiá, e partido kontra Cuba lo tuma lugá na Guatemala. Tur partido lo tuma lugá sin presensia di públiko segun e reglanan stipulá pa FIFA. Meskos ku e último biaha ku nos selekshon tabata na Kòrsou, e biaha aki tambe e selekshon lo ta den un ‘sportbubbel’. Pues e hungadónan lo no por tin kontakto ku niun persona ku no ta parti di e selekshon i lo tene bon kuenta ku tur regla i protkòl en konekshon ku Covid-19.

 

Kòrsou ta sigui prepará pa e siguiente nivel i ta hopi ansioso pa mira Anita den e unifòrm blou di nos selekshon hungando pa Kòrsou!

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: