Kontrol riba shofùrnan bou di influensia di alkohòl.

KOMUNIKADO DI PRENSA 092 / 2021
6 mart 2021
Kontrol riba shofùrnan bou di influensia di alkohòl.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den e periodo di djabièrnè anochi dia 5 di mart i djasabra mardugá 6 di mart 2021, Unidat
di Tráfiko di Kuerpo Polisial huntu ku KMar (Koninklijke Marechaussee), a tene kontrol di
tráfiko dirigí riba shofùrnan di vehíkulonan motorisá ku ta kore vehíkulo bou di influensia di
alkohòl.
A para un kantidat di 18 shofùr, di kua tabatin indikashon ku nan tabata bou di influensia di
alkohòl.
Dos (2) di e 18 shofùrnan aki ta miembro di defensa ulandes i nan kaso lo keda prosesá dor
di KMar.
Dos (2) otro shofùr a risibí prohibishon pa sigui manehá vehíkulo motorisá.
E otro 14 shofùrnan lo risibí un prosès verbal i nan lo mester presentá den korte.
Konforme artíkulo 25 di lei di tráfiko, a tuma e reibeweis di e shofùrnan aki i huntu ku otro
dokumentonan, lo entregá esakinan na Ministerio Públiko pa evaluashon.
For di e evaluashon, lo tuma e desishon si e shofùr lo haña su reibeweis djárason próksimo
òf te na momentu ku e kaso wòrdu tratá den korte.
E shofùrnan di kua polis a para mester a buska otro alternativanan pa yega nan destino, ya
ku nan mes no por a sigui ku e outo na e momentu ei.
Un bia mas Kuerpo Polisial ke atvertí tur manehadó di vehíkulo, pa si bo ta konsumí alkohòl,
pa no stür.
E kontrolnan aki lo kontinuá.
Nota pa redakshon – no pa publikasho