Minister Jesus- Leito a huramentá un Botikario i dos Asistente Botikario

 

Minister Jesus- Leito a huramentá un Botikario i dos Asistente Botikario

Willemstad – Resientemente Minister di Salú, Medio Ambiente i Naturalesa señora Zita Jesus- Leito MBA, a huramentá un Botikario i dos Asistente Botikario. Drs. Birgit C.P. Koch a huramentá komo Botikario i Sharyellen A.M. Gonzales i Nattelys N.R. Weert ámbos a huramentá komo Asistente Botikario.

Minister Jesus- Leito ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma aki e tres personanan ku a huramentá a kumpli ku eksigensianan di nos leinan vigente pa nan por ehersé nan profeshon. Despues di e akto ofisial Minister Jesus- Leito a felisitá señora Koch, señora Gonzales i señora Weert i a deseá nan tur klase di éksito den nan karera. Señora Koch ta laborá temporalmente na botika di hospital CMC, señora Weert ta laborá na Botika Nos Deseo i señora Gonzales ta laborá na Botika Zuikertuintje.


Riba potrèt drpd: drs. Birgit Koch, señora Sharyellen Gonzales, Minister Jesus- Leito i señora Nattelys Weert despues di e akto ofisial.

This site uses Akismet to reduce spam. Learn how your comment data is processed.

error: Content is protected !!
%d bloggers like this: