Kaso di ladronisia ku 5 detenshon.

KOMUNIKADO DI PRENSA 102 / 2021
11 mart 2021
Kaso di ladronisia ku 5 detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaweps 11 di mart 2021, alrededor di 08.06 or, Sentral di Polis a risibí informashon di un
ladronisia ku a tuma lugá na un kas den área di Fuik.
For di un investigashon ku polis a hasi na e sitio a resultá ku sinku (5) hòmber a kibra e
porta patras di e kas menshoná. Na momento ku e alarma a aktivá nan a bandoná e sitio.
Na e sitio e agentenan a haña e deskripshonnan di e sospechosonan.
Mesora e agentenan a kuminsá ku un búskeda. Den e área di Burundanga nan a señala e
sospechosonan sintá den un outo ku ta kuadra ku e deskripshonnan.
Alrededor di 09.35 or polis a detené e sospechosonan maskulino:
 J.E.E. di 18 aña di edat;
 E.R.O. di 17 aña di edat;
 G.D.A.V. di 24 aña di edat;
 M.A.Z. di 22 aña di edat i
 G.O.G.Z. di 19 aña di edat, tur nasé na Kòrsou.
A presentá tur e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.