Voto depositá riba kandidato ku a fayesé

 

Voto depositá riba kandidato ku a fayesé

 

Willemstad – Resientemente Konseho Supremo Elektoral a tuma nota di fayesimentu di un kandidato ku ta riba lista di kandidatonan pa elekshon di 19 di mart 2021. Konseho Supremo Elektoral ke duna e siguiente splikashon a base di loke Reglamento Elektoral di Kòrsou ta indiká.

 

Votonan depositá riba un kandidato di un partido polítiko ku a fayesé, ta bálido i ta keda kontá den e stemcijfer (voto total) di e lista, pues nan ta keda pa e partido i ta konta pa e kiesdeler i pa e lijstkiesdeler. Artíkulonan 86 i 102 ta stipulá sinembargo ku no ta tene kuenta ku nòmber di e kandidato ora trata resultado ofisial di elekshon. Pues e kandidato ku a fayesé no ta keda inkluí den e resultado. 

 

Ta bon pa tene kuenta ku lei ta preskribí ku una bes un lista di kandidato keda deklará bálido pa Konseho Supremo Elektoral, no por hasi kambio mas riba e lista. Esaki ta nifiká ku for di dia 8 di febrüari 2021, tur lista di kandidato di e 15 partidonan ku ta den kontienda elektoral a bira definitivo i no por hasi kambio mas. Ademas na e momentunan aki tur “stembiljet” pa elekshon di 19 di mart ta kla pa elekshon. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: