Botikario i Asistente Botikario a huramentá serka Minister Jesus- Leito 

Botikario i Asistente Botikario a huramentá serka Minister Jesus- Leito 

Willemstad – Resientemente Minister di Salú, Medio Ambiente i Naturalesa señora Zita Jesus- Leito MBA, a huramentá un Botikario i un Asistente Botikario. Drs. Ina Barzel a huramentá komo Botikario i Natiuska C. Rodriguez a huramentá komo Asistente Botikario.

Minister Jesus- Leito ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma aki e dos personanan ku a huramentá a kumpli ku eksigensianan di nos leinan vigente pa nan por ehersé nan profeshon. Despues di e akto ofisial Minister Jesus- Leito a felisitá señora Barzel i señora Rodriguez i a deseá nan tur klase di éksito den nan karera. Señora Barzel ta bai laborá temporalmente na botika di hospital CMC i señora Rodriguez ta laborá na Botika Palu Blanku.

Riba potrèt drpd: drs. Ina Barzel, Minister Jesus- Leito i señora Natiuska Rodriguez despues di e akto ofisial.