Partido Democraat ta papia palabra kla COHO TA BON KOMIENSO
Partido Democraat ta papia palabra kla
COHO TA BON KOMIENSO
WILLEMSTAD – Un gobièrnu ku tei na tur momentu pa sirbi su komunidat i siudadanonan ku ta desaroyá nan mes riba nivel haltu i ta progresá. Esei ta loke Partido Democraat ta para pe. E proseso ku fin di 2020 a inisiá ku COHO ta un bon komienso. Ta di lamentá ku gobièrnu di Kòrsou mes no a tuma akshon mas tempran. Awor nos ta hasi esaki ku Hulanda, loke ta di aploudí, pasombra di e forma aki nos por dal stapnan grandi mas rápido. Partido Democraat ta papia palabra kla pasobra bo voto tin balor. Vota pa nan ta nifiká 20 aña mas benta afó.
Partido Democraat ta un partido liberal. Den liñanan grandi liberalismo ta nifiká: mas tantu libertat posibel di un individuo pa e por determiná su bida i den gran parti tuma desishon e mes den libertat, asina leu ku no ta limitá libertat di otronan. Den demokrasia libertat di un siudadano ta kaba ora esun di e otro kuminsá. Den práktika esaki ta nifiká e.o.: un gobièrnu mas chikí, di siglo 21, efektivo i efisiente ku ta pone énfasis riba su tareanan primordial, manera traha i mantené lei i regulashonnan, fasilitá desaroyo personal i kuido di salú públiko i sòru pa seguridat di esnan den mas nesesidat.
E fundeshi di nos gobièrnu i nos ekonomia ta totalmente destrosá den último 15 añanan i esei ta hasi mas difísil pa Kòrsou por atendé esaki su so mas. Pues e yudansa di Hulanda no solamente ta bon biní pero tambe nesesario di manera ku nos por dal pasonan grandi mas rápido.
Banda di e firmesa pa atendé situashon Ekonómiko urgente di pais, Partido Democraat tin un ambishon sosial bon definí basá riba nos sinku (5) balornan klave/pilanan: libertat, responsabilidat, toleransia, hustisia sosial i igualdat. Sinembargo, DP no ta dirigí su mes solamente na e vokashon i deseo sosial, pero na mes momentu ta wak tambe kon ta finansiá/kubri e gastunan aki. Ku otro palabra, bo mester por generá sufisiente entrada pa despues usa esaki òf invirtié den enseñansa, kuido di salú, hustisia, desaroyo sosial, infrastruktura i otro.
Votando Partido Democraat, bo voto no ta bentá afó. Dia 19 di mart awor vota Partido Democraat.
