Tiramentu ku herido i un detenshon.

KOMUNIKADO DI PRENSA 107 / 2021
14 di mart 2021
Tiramentu ku herido i un detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu mardugá dia 14 di mart 2021, alrededor di 03.15’or, Sentral di Polis a dirigí un
unidat di warda di polis di Otrabanda pa C.M.C., en konekshon ku un dama ku a yega sala di
emergensia ku un herida di bala.
Algun ratu promé, ruman di e dama a yama na Sentral di polis indikando ku den kamber di
un kas na Macuraweg, el a tende tiru i despues a nota ku su ruman muhé tabata heridá na
su pia.
E partner di e dama aki ku tabata na e momentu ei huntu ku e dama, mes a hiba e dama
C.M.C. den un outo partikular.
For di investigashon preliminar a sali na kla, ta indiká ku e partner di e dama probablemente
tabata den posishon di un arma di kandela i pa un motibu te ainda deskonosí, e dama a
keda heridá pa un bala ku a sali for di e arma di kandela aki.
Na C.M.C. polis a topa e partner di e dama ainda, e hòmber sospechoso E.A.C. di 48 aña di
edat nase na Kòrsou ku mesora a keda detené.
A konfiská tambe e vehíkulo ku kua e dama a keda transportá pa mas investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.