PIN ta eksigí un splikashon riba redukshon di e presupuesto pa aña 2021 di CMC.

PIN ta eksigí un splikashon riba redukshon di e presupuesto pa aña 2021 di CMC.

Gerensia di CMC a indiká ayera 15 di mart 2021 na un manera bon klá ku e adaptashonnan ku mester a tuma lugá den henter e sektor di kuido ku CMC komo katalisadó pa kambio, no a kontinuá despues ku Minister Suzy Römer a baha na yüli 2020.

Minister Suzy Römer sabiendo ku e nivel di CMC ta unu ku bo no por kompará ku St. Elisabeth Hospital, a aktuá adelantá i preventivo pa ku redukshon di gastunnan den salú, netamente den areanan di speshalistanan, remedi, laboratorio i manda hende afó. Esaki netamente pa krea espasio pa finansiá e gastunan ékstra ku e hospital nobo a trese ku ne sirbiendo nos pueblo pa risibí un mihó kuido.

A basé di e presupuesto stipulá na aña 2019 na un suma di 176 mion, CMC a bai Korte ku su opheshonnan i Korte a indiká ku mester tuma un desishon riba e opheshonnan di CMC. 

Awe 8 luna despues ku ex minister Suzy Rõmer di PIN a baha, pa sorpresa di CMC e minister aktual a baha e presupuesto stipulá anteriormente ku un suma di 9 mion. Segun e direktor di CMC  esaki ta kontra un konseho ku Minister Leito a risibí di un komishon ku e mes  a instalá. 

PIN ta pidi Minister Zita Leito pa sali i duna informashon riba su desishon pa a baha e budget di CMC ku 9 mion, i splika su desishon na plaka chikí.